Зам тээврийн хөгжлийн Сайд С.Бямбацогт энэ оны  тавдугаар сард багтаан Монгол, АНУ-ын хооронд Агаарын тээврийн хэлэлцээрт гарын үсэг зурах бэлтгэл ажлыг хангахаар ажиллаж байна. Хамтын ажиллагааны хүрээнд хоёр улс хооронд шууд нислэгтэй болж эдийн засаг, аялал жуулчлалын харилцаа өргөжин тэлж, иргэд хямд үнээр, богино хугацаанд нисэх боломжтой болох аж.

С.Бямбацогт: “Нисэхийн салбарын хүний нөөцийг бэлтгэх, дадлагажуулахад техникийн туслалцаа үзүүлэхийг хүсэж байна. Бид 2022 онд шинээр гурван төмөр зам ашиглалтад оруулж 3.5 сая.тонн ачаа тээвэрлэсэн. Энэ онд баруун, зүүн босоо чиглэлийн 2000 гаруй км төмөр замын төслийг эхлүүлнэ. Тиймээс шаардлагатай зүтгүүр худалдан авах, шуурхай татан авчрахад дэмжлэг үзүүлж, хуурай боомт, тээвэр, логистикийн төв байгуулахад туслахыг хүсье” гэв.

Хамтын ажиллагааны саналын хүрээнд АНУ-ын Элчин сайд Ричард Буаган хоёр орны эдийн засаг, аялал жуулчлал, бизнесийн хамтын ажиллагаа, Агаарын тээврийн хэлэлцээрийг батлуулахад онцгой анхаарал хандуулахаа илэрхийлжээ.