Иргэн “Э” фэйсбүүк ашиглан “Бүх төрлийн тавилга түргэн шуурхай хийж, хөдөө орон нутагт унаанд тавьж өгнө” хэмээн бусдын зураг, мэдээлэл оруулж худал зар тавин бусдыг залилжээ. Ингэхдээ иргэдээс “урьдчилгаа” гэж мөнгө шилжүүлэн авч, нийт 183 иргэнийг залилж 49 сая 809 мянга 100 төгрөгийн хохирол учруулсан байна.

Эрүүгийн хуулиар түүнийг “залилах” гэмт хэрэг хийснийг тогтоожээ. Улмаар шүүхийн байгууллагаас шүүгдэгч Э-г гэмт хэрэг үйлдсэн гэм буруугаа хүлээн зөвшөөрч бусдад учруулсан хохирлоос 6 сая 357 мянга 600 төгрөгийг төлж барагдуулсан зэргийг харгалзан түүнд таван жилийн хорих ял оногдуулжээ.