Нийтээр тэмдэглэх баярын амралтын хуваарийн дагуу Сар шинмйн баярын өдрүүд хоёрдугаар сарын 21-23-ны хооронд таарч байгаа. Харин  иргэд Шинийн дөрөвний баасан гаригийг амралтын өдөр болгон өөр өдөрт шилжүүлж тооцохыг хүсч эхэлжээ. Харин хувийн аж ахуйн нэгжүүд Шинийн дөрөвнийг амралтын өдөр болгож байгаагаа эхнээсээ мэдэгдэж эхлээд байна.

Мөн эцэг, эхчүүд тус өдрийн хичээлийг өөр өдөр нөхөж оруулахыг хүсч байгаагаа сургуулиудын удирдлагуудад уламжилж эхэлжээ. Тухайлбал, ерөнхий боловсролын сургуулийн сурагчдын амралт дуусч нэгдүгээр сарын 29-нд хоёрдугаар улирлын хичээл эхэлсэн. Харин энэ талаар БШУЯ “Сурагчдын амралтын хуваарь хэвээрээ. Энэ нэгдүгээр сарын 30-наас хичээл орсон. Сурагчдын хоёрдугаар улирлын хичээл найман долоо хоног үргэлжилнэ. Цагаан сараар таарах хичээлийг өөр өдөр болгох санал яамнаас гаргаагүй" гэлээ.