Засгийн газраас Боомтын сайдад Г.Тэмүүлэн гишүүнийг сойхоор болсон. Энэхүү томилгоог үдээс хойш МАН-ын Удирдах зөвлөлөөр хэлэлцэн эцэслэн тогтоно гэж байв. Харин УИХ-ын гишүүн Г.Тэмүүлэн энэ талаараа "Би Төсвийн байнгын хорооны ажлыг хүлээж аваад удаагүй. "Шинэ сэргэлтийн бодлого"-ын хүрээнд төсвийн шинэчлэлийг хийх, сахилга бат, хяналтыг сайжруулах зайлшгүй шаардлагатай байна. Ирэх долоо хоногоос Төсвийн байнгын хорооноос 10 орчим хуульд нэмэлт өөрчлөлт оруулж, олон нийтийн оролцоог нэмэгдүүлэх, төсвийн сахилга батыг сайжруулахаар төлөвлөсөн.
Тодруулбал, миний хувьд Монгол Улсад сүүлийн арав гаруй жил хийгээгүй томоохон өөрчлөлтийг хийхээр зорьж байна. Тиймээс Монгол Улсын Ерөнхий сайд, МАН-ын дарга Л.Оюун-Эрдэнийн надад тавьсан Боомтын сайдаар ажиллах саналаас татгалзсан. Намын даргын саналаас татгалзсан гэсэн үг” гэлээ.