АН-ын “жинхэнэ” дарга Л.Гантөмөр хэдэн тийш харсан энэ намын гишүүдийг нэгтгэн эвлэрүүлж чадах уу. Ийм асуултыг хэн бүхэн тавьж, уг нь сөрөг хүчинтэй болсных  чадвартай чансаатай эрхэм байвал хэмээн шогширцгоож байна. Улсын Дээд шүүх хэдийгээр АН-ын даргын талцал, маргааныг нэг талд нь гаргасан ч үнэн чанартаа сонгогдсон хүн нь олны таашаалд үл нийцэх хүн байгаа нь асуудал дагуулж буй юм. 

Лу.Гантөмөр бол үнэндээ “Женко” Х.Баттулгын нөгөө тал. Түүний дохиур заавраар хөдөлнө гэсэн үг юм. Ааш аяг зөөлөн, бусдын үгээр Л.Гантөмөрийг тиймдээ ч нэрийг нь дэвшүүлж, сонгосон байх. 

Харин одоо би АН-ын ориг дарга нь хэмээн орилж, тамга тэмдгээ өгөхгүй зөрүүдэлж суусан С.Эрдэнэ хагархай тэвштэйгээ үлдэж байна. Тэрбээр тамга, тэмдэг нь надад бий хэмээн хэчнээн хашгичаад ч тусыг эс олно. Учир нь, албан ёсны дарга Лу.Гантөмөр шинэхэн тамга, тэмдэгтэйгээр ажилдаа орж, харин С.Эрдэнэ өөрт байгаагаа ашиглавал эрүүгийн хариуцлага хүлээх хүртэл заалттай. Өдгөө түүнд дээшээ тэнгэр хол, доошоо газар хатуу байгаа нь мэдээжийн хэрэг. 

С.Эрдэнийн хувьд УИХ-ын гишүүн Д.Ганбатыг ч мөн хөлдөө чирсэн. Тэд цахим санал хураалт гэгчийг явуулж, 22 мянган гишүүний саналаар Д.Ганбат АН-ын дарга болж, батламжаа гардан авч, хэсэгтээ дүрдээ орсон. Харамсалтай нь, С.Эрдэнийг дагасан бүтэлгүйтэл Д.Ганбатыг ч бас тойрсонгүй. 

Ийнхүү хэдэн жил үргэлжилсэн АН-ын даргын хэдэн жил үргэлжилсэн хэрүүл тэмцэл нэг талдаа гарсан ч энэ нь зөвхөн эхлэл юм. С.Эрдэнийн хэсэг нөхөд мөчөөгөө өгөхгүй өөр нам байгуулж, Д.Ганбат гишүүн ч дагаж баясаж, Х.Баттулгын сценариар Лу.Гантөмөр гишүүдээ нэгтгэх гэж үзэн, энэ нам одоо л хөдөлгөөнд орж эхэлнэ. УИХ, Ерөнхийлөгчийн сонгууль ойрхон байна. Харин түүнээс өмнө эмхэлж амжих л байгаа даа.