Турк улсын Хатая муж, Антакья хотод Монгол Улсын Зэвсэгт хүчний Цэргийн хээрийн эмнэлэг дэлгэгдэн ажиллаж байгаа. Тэгвэл манай хээрийн эмнэлэг өнгөрсөн 24 цагийн хугацаанд гамшигт нэрвэгдсэн гэмтлийн болон бусад эрүүл мэндийн шалтгаантай нийт 72 иргэн, 10 хүүхдэд тусламж үйлчилгээ үзүүлжээ. Мөн газар хөдлөлтийн улмаас дарагдаж гэмтсэн ясны хугаралтай 15 иргэнд, зүрх судасны эмгэгтэй 21, амьсгалын замын өвчин, чихрийн шижин болон бусад эмгэгтэй 25 иргэнд эмчилгээ хийж, эмийн зөвлөгөө өгчээ. 

Тусламж үйлчилгээ авах иргэд тасралтгүй ирж байгаа учраас эмнэлэгийн үйл ажиллагааг 24 цагийн турш явуулж, жижүүрийн бүрэлдэхүүнийг томилон ажиллаж байгаа талаар юм байна. Энэ талаар Монгол Улсын Батлан хамгаалах яамнаас мэдээлээд байна. Тэгвэл өчигдөр буюу хоёрдугаар сарын 13-ны өдөр Турк улсын EGE- армийн командлагч, дэслэгч генерал Kemal YENI бусад тойргийн болон бригадын командлагч нарын хамт эмнэлэгийн үйл ажиллагаатай танилцаж, талархал илэрхийлжээ.