Дэлхийн эрүүл мэндийн байгууллага Турк болон Сири улсад үзүүлэх тусламжаа хоёр дахин нэмэгдүүлэхээ мэдэгдлээ. Тодруулбал, тус байгууллага гамшгийн дараах хариу арга хэмжээ болгон 43 сая ам.долларын тусламж үзүүлэхээр болжээ.

Хүчтэй газар хөдлөлтийн улмаас Турк болон Сирид амиа алдсан иргэдийн тоо 40 мянга давсан. Газар хөдлөлтөд өртсөн хотуудыг сэргээхэд дээрх хоёр улсад хэдэн арван тэрбум ам.доллар хэрэгтэй гэж Дэлхийн банк тооцоолоод байгаа юм.

Байгалийн гамшгийн улмаас хэдэн мянган байшин барилга нурж, иргэдийг түр орогнуулах орон байрны хэрэгцээ тулгамдсан асуудал болоод байгаатай холбогдуулан чингэлэг, амины орон сууцны экспортыг зогсоож байгаагаа Турк улсын Худалдааны сайд мэдээллээ.