АН-ын дарга Лу.Гантөмөрийг  хэдэн тийш харсан гишүүдийнхээ талцал, маргааныг үгүй хийхээс ажлаа эхлэх болов уу. Тус намд нэн тулгамдсан асуудал энэ хэмээн олон нийт харж байв. Гэтэл эсрэгээрээ шинэ даргад намын гишүүдийнх нь эв нэгдэл огт хамаагүй. Харин ч ирэх жилийн УИХ-ын сонгууль ихээхэн чухал байгаа бололтой. Тэрбээр 400 мянган айлыг орон сууцанд оруулах хөтөлбөрийг хэрэгжүүлнэ хэмээн эн тэргүүнд мэдэгдэв.

Мэдээжийн хэрэг, 400 мянга байтугай орон сууц хамгаас чухал. Агаарын бохирдол, угаартсан утаанаас салах нэн тэргүүний зөв шийдэл ч гэлээ “бай”-гаа оноогүй хөтөлбөр гэлтэй. Үнэхээр л ирэх УИХ-ын сонгуульд ялалт байгуулах санаархалтай байгаа бол  орон сууцны оронд тамга, тэмдгийн асуудлаа цэгцэлж, намын гишүүдээ нэг дээвэр дор нэгтгэх нь түүний эн тэргүүний ажил байлтай.