МАН-ын Удирдах зөвлөл яг одоо хуралдан сайд нарын халаа, сэлгээ, томилгоог хэлэлцэж байгаа билээ. Тэгвэл өчигдрөөс хойш сайдад нэр нь яригдсан эрхмүүд өнөөдөр бүгд л албан тушаалаас татгалзсан аястай зүйлийг ярин, намайг Ерөнхий сайд гуйсан. Яахав, би бодож байна хэмээн эхнээсээ жүжиг тавьж эхэллээ. Эрүүл мэндийн сайдад нэр нь яваа С.Чинзориг гишүүн “Ерөнхий сайд надтай өчигдөр орой 16.00 цагийн орчимд уулзаад “Эрүүл мэндийн салбарт өөрчлөлт хийх хэрэгтэй байна. Эрүүл мэндийн сайдыг өөрчлөх нь гэж ойлгосон. Намайг болгох саналтай байна гэдгээ хэлсэн. Би энэ салбарын хүн биш учраас бодож үзье гэсэн. Өнөөдөр цайны цагаар уулзаж, байр суурь, шийдвэрээ хэлнэ дээ” гэсэн хариулт өгч байна. Яг үнэндээ С.Чинзориг гишүүний эрүүл мэндийн салбарыг шинэчилнэ, өөрчилнө гэж юу байх вэ. Мэргэжлийн хүн нь чадаагүй юм, түүнийг чадна гэхэд хэн итгэх вэ. 
Г.Тэмүүлэн гишүүний хувьд Төсвийн байнгын хорооны даргын ажлыг аваад удаагүй. Тиймээс төсвийн шинэчлэл, сахилга батыг сайжруулах  зэрэг Монголд байгаагүй их өөрчлөлтийг хийх гэж байгаа тул Боомтын сайдаас татгалзсан. Бүр Ерөнхий сайд, намын дарга намайг гуйхад нь шүү дээ хэмээн илт бахархалтайгаар зарлав. 
Албан тушаал, сандал суудлын төлөө хөлөө хугалах шахам уралддаг МАН-ынхан гэнэт юу болов. Бүгд л сайдын суудлаас татгалзан, шударга шулуун хүн болох гэж хичээж байна. Даанч тэдний хэн гэдгийг ард нийтээрээ мэдэх юм хойно доо.

сайдаар ажилла гэж гуйхад нь татгалзлаа шүү дээ хэмээн бахархалтайгаар ярих. Гэвч тэдний үнэн нүүр царайг нийгмээрээ мэдэх юм хойно доо...