“Хөгжлийн банк”-ны гэх Эрүүгийн хэргийн урьдчилсан хэлэлцүүлэг Сүхбаатар дүүргийн Эрүүгийн хэргийн анхан шатны шүүхэд өнөөдөр эхэлсэн. Шүүх хуралдааныг Сүхбаатар дүүргийн Эрүүгийн хэргийн анхан шатны шүүхийн шүүгч Ж.Болдбаатар даргалж байгаа бөгөөд хэргийн холбогдогч, гэрч, өмгөөлөгч нийлсэн 200 орчим хүн оролцож байгаа юм.

Шүүх хурлын эхэнд Хөгжлийн банкны зургаан яллагдагч хэлэлцүүлгийг хойшлуулах хүсэлт гаргасан бол 14  өмгөөлөгч хуралдаан даргалагчаас татгалзах хүсэлт давхар гаргалаа.

Тиймээс энэхүү хүсэлтийг Шүүхийн ерөнхий зөвлөл хэлэлцэн шийдвэрлэх тул шүүх хуралдааныг 13:30 цаг хүртэл түр хойшлууллаа