Хөгжлийн Банканд холбогдох хэргийн шүүхийн урьдчилсан хэлэлцүүлгийн Ерөнхий шүүгч Ж.Болдбаатараас 14 өмгөөлөгч татгалзаж, үдээс өмнөх хэлэлцүүлгийг түр хойшлуулсан.

Тэгвэл Сүхбаатар дүүргийн Эрүүгийн хэргийн анхан шатны шүүгчдийн зөвлөгөөнөөс тухайн өмгөөлөгчдийн татгалзал үндэслэлгүй байна хэмээн үзэж, урьдчилсан хэлэлцүүлгийг үргэлжлүүлэхээр шийдсэн. 

Харин хуралдаанд оролцож буй өмгөөлөгч П.Одонтунгалаг хэлэлцүүлгийг хаалттай явуулах санал гаргасан бөгөөд энэхүү хүсэлтийг прокурорын зүгээс үндэслэлтэй гэж үзсэн байна. 

Улмаар Сүхбаатар дүүргийн Эрүүгийн хэргийн анхан шатны шүүх бүрэлдэхүүн өмгөөлөгчийн саналыг хүлээн авч, хэлэлцүүлгийг хаалттай явуулахаар болов.