АН-ын гишүүд хэл амаараа тэмцэлддэг байсан бол өдгөө ил цагаандаа гарч, зодоон цохиондоо хүрээд байна. Учир нь, Төрийн ордонд  тэр дундаа Б.Пүрэвдорж гишүүний өрөөнд С.Цогтгэрэл, Б.Ганбат нарын гишүүд зодолдон нударга зөрүүлж, эцэстээ хүчрэгдэхээ болихоор Сүхбаатар дүүргийн цагдаад хүртэл дуудлага өгчээ. Дуудлагын дагуу цагдаа нар ирж, Б.Пүрэвдорж гишүүний өрөөг хамгаалалтад аваад байна. 
Өнөөдрийн зодооны талаар хамгийг мэдэх учиртай Х.Нямбаатар сайд хэвлэлийнхэнд "Ямар асуудал болсныг УИХ-ын гишүүдээс өөрсдөөс нь асуу. Тэд дуудлага өгсөн байх. Би юу ч мэдэхгүй байна" хэмээн булзаж сууна. 
Тэдний маргаан юунаас үүдэлтэй нь одоогоор бүрхэг байгаа ч АН гэсэн нэг малгайн дор харъяалалтай. Б. Ганбат гишүүн байнга л хүний хор маажиж, элдвээр хэлж, баалж суудаг нэгэн. Харин С.Цогтгэрэл гишүүн сайн, мууг шулуун шударга хэлчихдэг, эвгүйтвэл цохиод авахаас сийхгүй харагддаг.  Үүнээс харахад тэд намтайгаа холбоотой асуудлаас болж маргалдан, чи, би-дээ хүрсэн бололтой.