Нүүрсний хулгайн хэрэгт Зам тээвэр, хөгжлийн сайд асан Б.Энх-Амгаланг яллагдагчаар татжээ. Түүнийг Зам тээврийн хөгжлийн сайдаар ажиллаж байхдаа эрх мэдэл албан тушаалын байдлаа урвуулан ашигласан гэмт хэрэгт ийнхүү яллагдагчаар татжээ. Тодруулбал, сайдаар ажиллаж байхдаа тухай үед Ерөнхийлөгчийн Тамгын газрын даргаар ажиллаж байсан З.Энхболдын хамаарал бүхий "Страто" ХХК-д давуу байдал бий болгосон хэрэгт ийнхүү буруутгасан байна. Өөрөөр хэлбэл, Зам, тээврийн хөгжлийн сайд асан Б.Энх-амгалан Цогтцэций-Чойр чиглэлийн 407 км шороон замыг “Улсын чанартай авто зам” болгож, улмаар “Их дэлгэмэл ингүүн” ХХК-д эзэмшүүлэх тушаал гаргахад тухай үеийн ЕТГ-ын дарга асан З.Энхболд нөлөөлсөн байж болзошгүй хэмээн хуулийн байгууллагаас шалгаж, яллагдагчаар татжээ.