Угтаалцайдам сумын сургуулийг СГЗ, зохиолч, яруу найрагч Загдын Түмэнжаргалын нэрэмжит болголоо
Төв аймгийн Угтаалцайдам сумын улсын тэргүүний арван жилийн сургуулийг Соёлын гавьяат зүтгэлтэн, зохиолч, яруу найрагч Загдын Түмэнжаргалын нэрэмжит болгосон таатай мэдээ өнөөдөр түглээ. Ард түмний хайртай олон арван дуу, шүлэг, үргэлжилсэн үгийн зохиол, үлгэр, туужийн эзэн яруу найрагч З.Түмэнжаргалыг монголчууд “Дэгдээхэй нас” киноны дуу, “Могжоохон даагатай жогжоохон хүү”, “Бага насаа би хайрлаж явна”, “Бөөн баяр”, “Арван найман нас”, “Гэрэлт орчлонгийн залуус”, “Цэцгэн зүйрлэл”, “Хайрын дууль”, “Очоод золгоно доо”,  “Монголын тал нутаг”, “Дууны хорвоо”,  “Алсын алсын даваа”, “Ус мөрөн олон чиг”, “Урьхан цэнхэр хавар”, “Цахилж яваа гөрөөс” киноны дуу, “Халтар манан хөөрөг”, “Зүрхний хайртай эх орон” зэрэг 200 гаруй уран бүтээлээр нь андахгүй билээ.