УИХ-ын чуулганаар шинээр томилогдсон сайд нар тангаргаа өргөх гэж байна. Үүнтэй холбоотойгоор УИХ-ын гишүүд сайдад нэр дэвшигчдээс асуулт асууж, хариулт авч байна. Энэ үеэр, Ерөнхий сайд Л.Оюун-Эрдэнэ нэгэн ноцтой мэдээллийг өглөө. Тэрбээр  “Нүүрсний дараа төмөр замд Засгийн газар онцгой анхаарал хандуулна. Тээвэр логистик, боомт, төмөр замтай холбоотой дарга нарт хандаж хэлэхэд “Болгомжтой байгаарай. Тун удахгүй дараагийн дэлбэрэлт энэ салбар болж магадгүй шүү”. Байгаль орчны яамны газар зардаг нөхөд болгоомжтой байгаарай. Үүний цаана байгаа улстөрчдын нэрсийг зарлана шүү. Монголбанкны газрын дарга нарт хандаж хэлэхэд ББСБ-аа одоо болиорой. Бүгдийнх нь нэрсийг зарлана шүү. Ингэж байж л энэ асуудлыг цэгцэлнэ. УИХ, Засгийн газрын гишүүдэд хандаж хэлэхэд, энэ бүхнээс ангид байх хуулийг хамтдаа хэлэлцэнэ. Дэмжиж, баталж өгөхийг хичээнгүйлэн хүсье. Энэ далд эдийн засаг ил болж байж, төрийн албан хаагчдын цалинг нэмэх боломж бий болно. Өнгөрсөн алдааг хэн нэгэнд наах миний сонирхол биш. Харин цаашаа алдаагаа засаад хамтдаа явах чухал” гэлээ.