УИХ-ын чуулганаар шинээр томилогдсон сайд нар тангаргаа өргөх гэж байна. Үүнтэй холбоотойгоор УИХ-ын гишүүд сайдад нэр дэвшигчдээс асуулт асууж, хариулт авч байна. Энэ үеэр,
УИХ-ын гишүүн Б.Пүрэвдорж:  С.Чинзориг гишүүнийг дэмжиж байгаа. Гэхдээ таныг мэргэжлийн юманд айхтар хүлээлт тавихгүй байгаа байх. Харин салбарт нь ажиллаж байгаа нийгмийн асуудал, тэтгэвэр, ялангуяа хөдөө орон нутаг дахь эмч, эмнэлгийн ажилтнуудын амьдрал ахуйг аятайхан болгоод авчих байх гэж бодож байна. Үүнийг илүү хийх байх гэж харж байна. Манай АН-ынхан засагт орох гэж хэсэг гүйсэн. Өнөөдрийг хүртэл дөрвөн сайд байгаа гэхэд итгэсэн хэвээр байсан. Даанч тийм орон зай байхгүй боллоо. Тиймээс дараа дараагийнхаа сонгуульд амжилттай оролцохоо л бодох цаг ирж байна гэв.