Монгол Улсын Ерөнхий сайд Засгийн газрын шинэ сайд нарын томилгоог өчигдөр хэлэлцэх үеэр хэд хэдэн ноцтой мэдээллийг хийсэн. Тэрбээр “Нүүрсний дараа Төмөр замд Засгийн газар онцгой анхаарал хандуулна. Тээвэр, логистик, боомт, төмөр замын албан тушаалтнууд, сэтэртнүүдэд хандаж хэлэхэд ”Болгоомжтой байгаарай.Тун удахгүй дараагийн дэлбэрэлт энэ салбар болно шүү” хэмээн чуулганы индрээс анхааруулсан. 
Ерөнхий сайдын энэхүү хатуу анхааруулга дорхноо биеллээ олж, урд шөнө УБТЗ-ын Тээвэр зохион байгуулалтын албаны орлогч дарга С.Батдөлийг ЭЦГ-аас хойшлуулшгүй ажиллагаагаар саатуулсан байна. Мөн албан байранд нь нэгжлэг хийхэд 7,3 тэрбум төгрөг бэлнээр олдсон тул хураан авч, мөрдөн шалгах ажиллагааг эхлүүлжээ.