Олон улсын нийтийн эрх зүйн шүүхийн мэтгэлцээний аварга шалгаруулах “The Philip C.Jessup International Law Moot Court Competition” тэмцээн АНУ-ын Вашингтон хотноо энэ сарын 9-15-ны өдрүүдэд боллоо. 

Энэ нь дэлхийн 100 гаруй орны 700 гаруй хуулийн сургуулийн баг оролцдог шүүхийн мэтгэлцээний хамгийн том тэмцээн юм. 

Тэмцээний “Олон улсын аварга шалгаруулах” шатанд манай улсыг төлөөлж МУИС-ийн Хууль зүйн сургуулийн баг амжилттай оролцож, “Best new team” шагнал хүртлээ. 

МУИС-ийн Хууль зүйн сургуулийн багт Олон улсын эрх зүйн ангийн оюутан Б.Ариунзаяа, Ө.Намуунбаяр, С.Билэгт-Очир, Г.Маргад, Эрх зүйн ангийн оюутан Б.Лхагважаргал нар оролцсон байна. Багийн дасгалжуулагчаар МУИС-ийн Хууль зүйн сургуулийн Нийтийн эрх зүйн тэнхимийн дэд профессор, эрдэмтэн нарийн бичгийн дарга М. Уянга ажилласан байна.