Ерөнхий боловсролын сургуулиа төгсөж, их, дээд сургууль, коллежид орохоор төлөвлөж буй шинэхэн оюутнууд энэ амралтын өдрүүдэд Мишээл экспог зорьж боловсролын үзэсгэлэнг сонирхоорой.

Тус үзэсгэлэнд оролцсоноор дотоодын бүх их, дээд сургууль, коллежийн танилцуулга, гадаад, дотоодын тэтгэлэгт хөтөлбөр, оюутны хөгжлийн зээлийн талаар болон элсэлтийн ерөнхий шалгалттай холбоотой мэдээллүүдийг нэг дороос авах боломжтой.

Өөрийгөө ойлгож, мэргэжлээ таньж, сонголтоо хийсэн хүн бүхэнд дараагийн алхмаа хийх хамгийн том боломжийг энэхүү үзэсгэлэн олгоно.

Үзэсгэлэн энэ сарын 21-24-ний өдрүүдэд 10:00-18:00 цагийн хооронд үргэлжилнэ.