УИХ-ын чуулганы үдээс хойших нэгдсэн хуралдаан эхэллээ. Хуралдаанаар Боловсролын багц хуулийг үргэлжлүүлэн хэлэлцэж байна. 

Засгийн газраас 2021 онд өргөн мэдүүлсэн Боловсролын багц хуулийн төслийн хэлэлцүүлэг хоёр жил үргэлжилж, ийнхүү УИХ-аар хэлэлцэж байгаа юм. 

Энэ үеэр БШУ-ны сайд Л.Энх-Амгалан "Сумын Засаг дарга нарын үзэгний үзүүрээр томилогдож байгаа сургууль цэцэрлэгийн удирдлагууд шаардлага хангахгүй байгаа. Хэн нь намдаа үнэнч байж, удирдлагаар томилогдон очоод намынхаа хүнийг ажилд авах уу гэдэг шалгуур үзүүлэлт явж ирсэн нь гашуун үнэн.

Зарим сургууль, цэцэрлэгийн удирдлага даам гарч, өөрийнхөө хувийн өмч мэт аашилдаг. Сүүлдээ өв залгамжлуулдаг боллоо. Өөрийнхөө хүүхдийг цэцэрлэгийн удирдлагаар томилж байгаа тохиолдол ч гардаг. Энэ байдлыг халах зорилготой реформын шинжтэй хууль орж ирж байна" хэмээв.  

Хуулийн төсөлтэй холбогдуулан УИХ-ын гишүүд асуулт асууж дууссан учир зарчмын зөрүүтэй 72 санал дээр санал хураахаар боллоо.