Булган аймгийн Засаг дарга Б.Ариун-Эрдэнэ, Боловсрол, шинжлэх ухааны газрын дарга Ж.Ганболд, Хутаг-Өндөр сумын Засаг дарга П.Лхагва-очир, Сайхан сумын Засаг дарга Д.Сансар-очир нарын хамтаар Кёнги аймгийн Шинхан их сургуульд албан томилолтоор ажиллаж байна.

Булган аймгийн Засаг даргын Тамгын газар, БНСУ-ын Шинхан их сургууль хоорондын хамтын ажиллагааны гэрээнд гарын үсэг зурлаа.

Хамтын ажиллагааны санамж бичигт дурдсанаар жил бүр Булган аймгийн 20 оюутанг “Кёнгидо Шинхан” их сургуульд:

• Aялал жуулчлал
• Гадаад харилцаа
• Хөдөө аж ахуй
• Соёл урлаг спорт
• Эрүүл мэнд
• Байгаль орчин
• Жижиг дунд үйлдвэрлэл
• Бизнес удирдлага, макро эдийн засгийн чиглэлээр суралцуулахаар Булган аймгийн Засаг дарга Б.Ариун-Эрдэнэ, тус сургуулийн ерөнхий захирал Жонг Жин Кён нар гарын үсэг зурлаа.

Ингэснээр эхний 20 оюутныг ирэх есдүгээр сард БНСУ-д суралцуулахаар боллоо.