БШУ-ны сайд Л.Энх-Амгалан Засгийн газраас гаргасан шийдвэрийг танилцууллаа.

Тэрбээр "Мэргэжлийн болон техникийн боловсролын салбарын санхүүжилтийн талаар маш чухал шийдвэр гарлаа. Үр дүнд суурилсан санхүүжилтийн тогтолцоог эрүүл мэнд, боловсролын салбарт хэрэгжүүлж буй.

СӨБ, ЕБС-д сурагч, багш, сургуулийн үнэлгээнд үндэслэж хамгийн чадварлаг багш өндөр цалин авдаг тогтолцоо руу шилжсэн.

ХНХЯ-ны харьяанд байсан мэргэжлийн боловсролын салбар БШУЯ-ных болоод нэг жил болж байна. Өнөөдрийн байдлаар мэргэжлийн боловсролын түвшинд төрийн болон хувийн 77 МСҮТ-д 38,000 оюутан сурч байна.

Хамгийн ур чадвартай хүүхдүүд МСҮТ-өөр дамжиж их, дээд сургуульд орно.

МСҮТ-д сурах хугацааг гурван жил болгож байгаа. Өөрөөр хэлбэл, мэргэжлийн боловсролыг ЕБС-ийн ахлах сургуультай нэгтгэж байна. 2.5 жил сураад ур чадвар муутай мэргэжилтнүүд бэлдэж байна гэсэн асуудал үүссэн юм.

Мэргэжлийн боловсрол төгсөж гараад хамгийн өндөр цалинтай байр бий болгодог болно. Одоогийн байгаа тогтолцоогоор үсчин, гагнуурчныг 2.5 жилээр хоёр сая төгрөгөөр бэлдэж байна. Энэ өртөг нь тусдаа байх ёстой. Нарийн мэргэжлээр сурч байгаа хүүхдүүд өндөр өртөгт суурилсан хөтөлбөрөөр сурч, хамгийн өндөр цалинтай ажлын байранд очих тогтолцоо бий болгож байгаа юм" гэлээ.