“Улс төр, эдийн засаг, эрх зүйн шийдэл. Нийгмийн зөвшилцөл” чуулга уулзалт Төрийн ордонд  болж байна. Энэ үеэр Ерөнхий сайд О.Оюун-Эрдэнэ үг хэллээ. Тэрбээр “Би авлигатай хатуу тэмцэнэ. Гэхдээ шүүхэд нөлөөлөх эрхгүй тул Засгийн газар олж авсан баримтаа ил болгох л боломжтой. Нийгмийг бухимдууллаа хэмээн намайг шүүмжилдэг. Миний хувьд хэн нэгний мууг үзэх гэсэндээ биш цаашид ийм алдаа дахин битгий гараасай гэсэндээ зарим зүйлийг ил болгосон. УИХ-ын гишүүдийг эгүүлэн татах эрх надад байхгүй. Тиймээс далд байгааг факт, баримтыг ил гаргаж, асуудлыг шийднэ. 
АН, МАН гэж ярьдаг ч нүүрс, зэсийн хоёр л нам бий. Бид сэтгэл хөдлөлөөр аливаа асуудалд хандаж болохгүй. Улс орны тусгаар тогтнол, үндэсний аюулгүй байдал хамгаас чухал” гэлээ.