Баяр наадмын эхний өдөр сүр дуулиантай өрнөж байна. Гэвч чоно борооноор гэгчээр "Шувуу" ажиллагаагаар шалгагдаж буй ХХААХҮЯ-ны сайд асан Т.Бадамжунайг өнөөдөр суллажээ.  

Нийслэлийн прокурорын газраас Эрүүгийн хуулийн тусгай ангийн 22.1 дүгээр зүйлийн 1 дэх хэсэг, /Эрх мэдэл, албан тушаалын байдлаа урвуулан ашиглах/, 22.5 дугаар зүйлийн 1 дэх хэсэг, /Хахууль өгөх/, 18.6 дугаар зүйлийн 1 дэх хэсэгт /Мөнгө угаах/, заасан гэмт хэрэгт холбогдуулан яллагдагчаар татсан байдаг. 

Монголын улс төрд Т.Бадамжунайгийнх гэх нэгэн том фракц бүлгэмийг бий болгож чадсан буурал өвгөн өнөөдөр ямар шалтгаанаар, яагаад баяр наадмын үеэр чимээгүйхэн суллагдаж байгаа нь анхаарал татаж байна. Тэрбээр өмнө нь  шалгагдаж эхэлсэн даруйдаа  Дорнодоор дамжиж, хувийн машинаар хил даван зугтаад таван жил сураггүй алга болоод байсан. Гэтэл одоогийн Засгийн газрын хэрэгжүүлж буй “Шувуу” ажиллагааны хүрээнд Т.Бадамжунайг сүр дуулиантайгаар баривчлан авчраад шалгаж байсан юм.  

Шувуу ажиллагаа шувуугаа салхилуулав уу? Суллан явуулав уу. Ямартай ч сайд асан Т.Бадамжунайд наадмын үеэр том л бэлэг барилаа.