Иргэд өөртөө үйлчлэх дэлгүүр, худалдааны төвүүдээс худалдан авалт хийхдээ лангуун дээрх үнийг харж, төсөвтөө тохируулан бараагаа авдаг. Гэтэл зарим тохиолдолд авсан бараагаа касс дээр очоод бичүүлэхээр үнийн зөрүү гардагаас нэг бол иргэн бараагаа буцаах эсвэл, үнийн дүнг төлөөд авах шаардлага тулгардаг байна. Ингэх нь цаг удах, тооцоолоогүй төлбөр төлж илүү зардал гаргах зэргээр тодорхой хохирол амсдаг. Тэгвэл ШӨХТГ-т иргэдээс ирсэн гомдол мэдээллийн дагуу ьус газраас лангуу-кассын үнэ зөрдөг зөрчлийг давтан гаргуулахгүй байхаар “Номин”, “И март”, CU, GS25, “Эфэс”, “Сансар”, Абсолют” зэрэг сүлжээ дэлгүүрүүдийн удирдлагууд, холбогдох албан тушаалтнуудтай уулзалт хийжээ. Ингэхэд дээрх байгууллагууд иргэд болоод ШӨХТГ-ын шаардлагыг хүлээн авч, “Лангуу-кассын үнэ зөрчдөг зөрчлийг зөрчихгүй байх амлалт-“ыг хэрэгжүүлэхээр болсон байна.