Уул уурхай, хүнд үйлдвэрийн сайд Ж.Ганбаатарын хамгийн ойрын хүн бол С.Магнайсүрэн. Оргил сүлжээ дэлгүүрийг байгуулж, бизнест гаршсан УУХҮ-ийн сайдын 2020 сонгуулийн менежерээр ажилласан, Барилга хот байгуулалтын яамны төрийн нарийн бичгийн дарга,Хөгжлийн банкны ТУЗ-ийн гишүүн гээд баялаг намтартай С.Магнайсүрэн Говь-Алтай аймгийнх. Говь-Алтай аймгийнх учраас ЗГХЭГ-ын дарга Д.Амарбаясгалантай ч халаас нэгтэй гэгддэг. Дарга даргын эрх ашгийн төлөө төрийн албаны өндөр сэнтийг сэлгэж налсан С.Магнайсүрэн бол Хөгжлийн банкны чанаргүй зээлдэгч нартай шууд бусаар нэр холбогддог. Тухайлбал Хөгжлийн банкны дуулианы үеэр “Максрөүд” 17 тэрбумын зээлээ шууд төлсөн. С.Магнайсүрэн болон “Максрөүд” компанийн удирдлагууд болох Д.Ганбаатар, Д.Цэрэнжигмэд нартай нутаг нугаараа ч, эрх ашгаараа ч нэр холбогддог. Түүнчлэн С.Магнайсүрэнг Барилга, хот байгуулалтын яамны Төрийн нарийн бичгийн даргаар ажиллаж байхад Монголын барилгын үндэсний ассоциацийн Ерөнхийлөгчөөр Д.Цэрэнжигмэд ажиллаж байсан нь санаандгүй тохиолдол биш байлаа. Түүнчлэн Макс групп Хөгжлийн банкнаас 18 тэрбумын зээл авахад С.Магнайсүрэн чухал үүрэг гүйцэтгэсэн. 
С.Магнайсүрэн Боловсролын зээлийн сангаас 16 мянган ам доллар буюу өнөөдрийн ханшаар 55 сая төгрөгийн зээл авч Их Британийн Холборн коллежид суралцжээ. Хамгийн сонирхолтой нь ЗГХЭГ-ын дарга Д.Амарбаясгалангийн далдхан дэмждэг хүн нь С.Магнайсүрэн гэх яриа олны чихийг халууцуулж байна. Ж.Ганбаатар, Д.Амарбаясгалан, С.Амарсайхан нар нам дотроо дотно нөхөрлөж ирсний гол зангилаа нь С.Магнайсүрэн. Нүүрсчдийн нууц ноён гэгдэж буй Д.Амарбаясгалангийн буурийг нь сахиж, муу мөрийг нь сайн баллуурдсаны шагнал болгож, УУХҮЯ-ны төрийн нарийн бичгийн даргаар суудал сэлгэн залжээ.