Өнөөдрийн Засгийн газрын хуралдаанаар ХЗДХ-ийн сайдаар ажиллаж байсан Хишгээгийн Нямбаатарыг Хотын захирагчаар томилсон. Тэрээр Нийслэлийг дангаар удирдах бөгөөд бүрэн эрхт төлөөлөгчийн статусыг давхар хаших юм. Хотод үүсээд байгаа асуудлыг цэгцлэх зорилгоор томилсон гэж ЗГХЭГ-ын дарга Д.Амарбаясгалан мэдэгдэв.

Тэгвэл Х.Нямбаатар Бүрэн эрхт төлөөлөгчөөр ажиллах юм бол Хотын бүх шилэн хаалттай болно. Нэг ёсондоо Нийслэлийн худалдан авалт, тендер гээд мөнгө санхүүтэй холбоотой бүх зүйл нь нууцын зэрэгт орно. Үүн дээр дураараа дургиж, дунд чөмгөөрөө жиргэнэ гэдэг нь болох зүйл өнөөдрөөс эхлэнэ гэж ойлго. Нийслэл өөдлөх биш уруудах зам руу албан ёсоор шилжлээ.  

Үүний өмнө Засгийн газраас орон нутгийн Таван толгойд ХЗДХЯ-ны төрийн нарийн бичгийн дарга С.Сайнзоригийг БЭТ-ээр томилж, тухайн газрыг хамгаалалтанд авч, шилэн дансыг хааж байсан удаатай.

Одоо ч "Эрдэнэс Тавантолгой" ХК-ийн шилэн хаалттай байгаа. Учир нь бүрэн эрхт төлөөлөгчөөрЖ.Ганбатыг томилсоноос хойш хаагдсан билээ.