НҮБ-ын Хүний эрхийн Дээд комиссарын газраас өнгөрсөн даваа гаригт дээрх тоо баримтыг танилцуулжээ. Батлагдсан тоогоор 7031 энгийн иргэн амь үрэгдсэн бөгөөд ширүүн тулаан өрнөж байгаа бүс нутгуудад нэвтрэх боломжгүй тул бодит тоог үүнээс ч илүү байгаа гэж үзэж байгаа юм байна. Түүнчлэн дайнд 11.000 гаруй хүн шархадсан байна. Хохирсон энгийн иргэдийн дийлэнх нь хүнд их буу, пуужин, агаарын цохилт зэрэг өргөн хүрээг хамарсан тэсрэх зэвсэгт өртсөн байна. Украйны хяналтад байгаа эзлэгдээгүй бүс нутгуудад 6536 энгийн иргэн амиа алдсан бол ОХУ-д эзлэгдсэн бүс нутгуудад 495 хүн амь үрэгдсэн гэсэн тоо дурьджээ.