Нүүрсний сонсгол”-ын хоёрдахь шатны сонсгол үргэлжилж байна.

Энэ үеэр жолооч Эрхэмбаяр 133 удаа 18,3 тонн нүүрсийг бүрдүүлэлтгүйгээр гаргасан байна.

Тэрбээр “Жасмин ложистик” компанийн жолооч ба түүний хэлж буйгаар бол, админы зааврын дагуу хийдэг. Бүрдүүлэлттэй, бүрдүүлэлтгүй гэдгийг сайн мэдэхгүй байна. Би ямар ч мэдээлэлгүй байна. Яв гэхээр явдаг гэв.

УИХ-ын гишүүн Д.Ганбат: Зарим компани мэдээллээ өгөөгүй байна. 2023 онд нийтдээ 65 сая тн нүүрс гаргасан байна. Бүгд тээврээр гарч байгаа. Эхний 7 жолоочоос та нар ямар цалин авдаг юм бэ. Нийгмийн, эрүүл мэндийн даатгал төлдөг үү. Бүх рейсын цалин ижил үү, зөрүүтэй юу. Эхний долоон компанийн эздийн бүртгэл байна уу? Үнэхээр Монгол Улсын гааль байхгүй юм шиг ажиллажээ. Нүүрсний сонсгол болоогүй бол энэ тоо баримт гарч ирэхгүй байжээ гэв.

Сонсголд 20 жолооч дуудсанаас дөрөв нь иржээ. Тэд ам нэгтэйгээр “Бидний хувьд дэд ахлах чиглэл өгсний дагуу ачилтаа хийдэг. Гааль зөвшөөрсөн үед үйлдэл хийдэг. Дарга нарын чиглэлийн дагуу л явдаг. Цалин хөлс рейсээрээ авдаг. Нафтын хашаанаас падаангүйгээр нэг ч машиныг хөдөлгөхгүй” хэмээлээ.

УИХ-ын гишүүн Д.Ганбат: Та нар ялгаатай цалин авдаг уу. 139 удаа бүрдүүлэлтгүй гарсан гэж байна. Та нар мэдэхгүй яваад байна гэж байхгүй шүү дээ?

Жолооч: Нэг жолооч 133, 139 удаа гарна гэж байхгүй. Машин тус бүр дээр гаалийн бүрдүүлэлт хийдэг.

УИХ-ын гишүүн М.Оюунчимэг: “Жасмин ложистик”-ийн нэр дээр нэг жолооч хэд хэдэн удаа гарсан байх жишээтэй. Падаан өгдөг гэж байна. Та нарын мэдээлэл зөрүүтэй байна. Та нар хэдий хэмжээний нүүрс ачаад яваагаа мэддэггүй гэж ойлгох уу?

Жолооч Б.Лхагвасүрэн: 184 тонноос илүүг ачиж болдоггүй. Ачааны жин 184 тн байх ёстой.

УИХ-ын гишүүн М.Оюунчимэг: Хоёр их наяд төгрөгийн нүүрсийг хулгайд алджээ гэж ойлгогдохоор байна. Шинжээчид БНХАУ-ын талаас мэдээлэл хүссэн үү?

Монгол Улсын Засгийн газрын гишүүн, Хууль зүй, дотоод хэргийн сайд Б.Энхбаяр: Хоёр улсын хэлэлцээрийн дагуу тулган баталгаажуулсан дүн нууцын зэрэглэлд хамаардаг.