Германы иргэн, 62 настай эрэгтэй Covid-19-ийн эсрэг вакцинд 217 удаа хамрагджээ. Энэхүү хачирхалтай тохиолдлыг "The Lancet Infectious Diseases" сэтгүүл баримтжуулсан байна. Тэрээр вакцинуудыг худалдаж аваад, 29 сарын хугацаанд хувиараа хийлгэжээ. Гэвч судлаачдын мэдээлж буйгаар тухайн эрэгтэйд өвчний шинж тэмдэг өчүүхэн ч илрээгүй.
Судлаачид түүний талаар сониноос олж мэдээд холбогдож, хэд хэдэн шинжилгээ өгөхийг хүссэн байна. Түүнээс цус, шүлсний дээж авсан бөгөөд сүүлийн жилүүдэд хадгалагдаж байсан хөлдөөсөн цусны дээжийг нь ч шинжилжээ.
Давтан тунгаар дархлааны системийг хэт идэвхжүүлэх нь зарим эсэд сөрөг нөлөөтэй байж болзошгүй гэж үзсэн. Гэвч судлаачид 62 настай эрэгтэйгээс үүнийг нотлох баримт олоогүй гэлээ. Гэхдээ өнөөдрийг хүртэлх судалгаанаас харахад гурван тунт вакцинжуулалт хамгийн тохиромжтой арга хэвээр байгааг судлаачид онцолжээ.
Эх сурвалж: BBC