Нийслэлийн засаг даргын 2023 оны Хориглосон бүсээс мал гаргах А (35) дугаар захирамжийн хэрэгжилтийг хангах хүрээнд Сүхбаатар дүүргийн мал гаргах Ажлын хэсэг хуралдаж, өнгөрсөн амралтын өдрүүдэд хийсэн хяналт шалгалтын дүн болон цаашид авах арга хэмжээний талаар хэлэлцлээ. Нийслэлийн засаг даргын баталсан Хориглосон бүсээс мал гаргах ажлын удирдамжийн дагуу энэ сарын 21-22- ны өдрүүдэд дүүргийн нутаг дэвсгэрт Баянзүрх, Сонгинохайрхан, Чингэлтэй дүүргүүдээс орж ирсэн нийт 250 гаруй адуу малыг Баянзүрх дүүргийн Хадат вилла, Улиастайн ам, Шарын ам руу гаргаж, 60 гаруй адууны эздийг олж тогтоон, малыг нь хүлээлгэн өгч, дахин мал оруулж ирэхгүй байхаар анхааруулга өгчээ. Ажлын хэсгээс мал аж ахуй эрхлэхийг хориглосон бүсэд орж ирсэн малын эзнийг тогтоож, зөрчлийн талаарх мэдээллийг тухай бүрт нь баримтжуулан, малын хууль ёсны өмчлөгчид хариуцлага тооцон, шаардлагатай тохиолдолд албадан гаргах ажил зохион байгуулахыг үүрэг болгожээ.

Сүхбаатар дүүргийн засаг даргын тамгын газар