Нүүрсний 17 хулгайчийн нэг, энэ хэргийн акул гэгдэх Ерөнхийлөгч асан Х.Баттулга БНСУ-д төлөвлөгөөт хагалгаанд орно хэмээн 2022 оны арванхоёрдугаар сарын 18-ны өдөр нисэж, улстөрчид ч АТГ зугтаалгачихлаа хэмээн шуугьж байв. Түүнийг БНСУ, Сингапур дамжин яваа талаар хэвлэлээр мэдээлж байлаа. 
Х.Баттулга харин эмчилгээнээсээ 2023 оны нэгдүгээр сарын дундуур буцаж ирэнгүүтээ Улсын Дээд шүүхийн Ерөнхий шүүгч Д.Ганзориг, иргэн С.Баярцогт нарыг Үндсэн хуулийн Цэцэд өгсөн билээ. Тодотговол, С.Баярцогтыг гурван шатны шүүхээс буруутай хэмээн ял оноочихоод байхад Дээд шүүх хэргийг цагаатгасныг ашиг сонирхлын зөрчил хэмээн үзэж, ийнхүү Цэцэд гомдол гаргасан юм.
Тэгвэл Х.Баттулга өчигдөр өглөө буюу нэгдүгээр сарын 28-ны бямба гарагт БНСУ-руу дахин ниссэн байна. Яллагдагчаар шалгуулж буй түүнд АТГ-ын мөрдөн байцаагч дахин зөвшөөрөл олгосон аж. Эмчлүүлэх шарадлагатай бол мэдээж хүний эрх талаасаа зөвшөөрөх учиртай. Харин ингэж ирж, очиж дасгасаар нэг л өдөр бүрмөсөн сураггүй болохвий гэсэн хардлагыг ч бас тооцох учиртай.