АТГ-аас нүүрсний хулгайн хэрэгт холбогдсон байж болзошгүй 17 хүний нэрсийг зарласан. Одоогийн байдлаар тус асуудлаар 36 хэргийг мөрдөн шалгах ажиллагаа явагдаж байна. 
Үүнтэй холбогдуулан АТГ-аас ХНХ-ын сайд Т.Аюурсайхан, УИХ-ын гишүүн Д.Бат-Эрдэнэ нарыг яллагдагчаар татах саналыг прокурорын байгууллагад хүргүүлжээ. 
Нийслэлийн прокурорын газрын Ерөнхий прокурор, хууль цаазын тэргүүн зөвлөх Ц.Ариунболд: “Прокурор хэрэг бүрэн нотлогдсон байна гэж үзвэл мөрдөгчийн саналын дагуу яллах дүгнэлт үйлдэж шүүхэд шилжүүлдэг. Шүүх хэрэгт холбогдсон хүмүүс гэм буруутай эсэхийг шийднэ. Ингэж байж Үндсэн хууль, Эрүүгийн хуульд заасны дагуу энэ хүн гэм буруутай байна гэж тооцогддог”.