С.Эрдэнийн тал АН-ын даргын цахим сунгаа явуулж, 22000 хүний саналаар УИХ-ын гишүүн Д.Ганбат ялалт байгуулсан билээ. Удаад нь 18 мянган хүний саналаар Л.Гүндалай орсон ч тэрбээр санал хураалт луйвар байсан хэмээн мэдэгдсэн юм.
Тиймдээ ч Л.Гүндалай АН-ын даргын цахим сунгааг С.Эрдэнийн зохион байгуулсан луйвар байж болзошгүй гэж үзэн  цагдаагийн хүчний байгууллага болон АТГ-т шалгуулахаар хандсан юм.  
Энэ асуудлаараа Л.Гүндалай ЦЕГ-ын Мөрдөн Байцаах Албанд өнөөдөр  мэдүүлэг өгчээ.  Тэрбээр "Дөнгөж сая Мөрдөн байцаах албанд мэдүүлэг өглөө. С.Эрдэнийн зохион байгуулсан цахим сонгууль гэгчийн талаар би өргөдөл өгсөн.  Уг өргөдлийг хүлээн авч, цагдаагийн байгууллага шалгаж эхэлж байна. Цахим сонгууль гэж залилан, луйвар хийж байна гэж би хуулийн байгууллагуудад хандсан. Юм үнэнээрээ дээр. Байнга залилан хийгээд, сонгууль шиг юм зохион байгуулаад, хүмүүсээс мөнгө аваад, түүгээрээ дурын хүнээ сонгож гаргадаг зүйлийг С.Эрдэнэ хийгээд байгаа юм.  Хуулийн байгууллага яаралтай шалгаж эхэлсэнд баяртай байна. Ирэх даваа гарагт эрүүгийн хэрэг үүсгэх юм байна" гэв.
Үүнээс харахад С.Эрдэнийг цагдаа, хүчний байгууллагаас эрүүгийн хэрэг үүсгэн шалгахаар болж, цахим сунгаа хэмээн нэр дэвшигчдээс олон сая төгрөгийг залилж авсан уу гэдгийг тогтоохоор болж байна.