Авлигатай тэмцэх газраас “Нүүрсний хулгайч”-аар 17 албан тушаалтныг зарласан. Тэгвэл эдгээрээс нэр бүхий дөрвөн гишүүнийг яллагдагчаар татаж шалгаж байгаа талаар албан ёсоор мэдэгдсэн билээ. Тэдний гишүүний бүрэн эрхийг түдгэлзүүлэх саналыг Нийслэлийн прокуророос УИХ-ын даргад өнөөдөр хүргүүлсэн байна. 

УИХ-ын гишүүн “Ажнай” Д.Бат-Эрдэнэ, Н.Наранбаатар, А.Адъяасүрэн, Хөдөлмөр нийгмийн хамгааллын сайд Т.Аюурсайхан нарын бүрэн эрхийг түдгэлзүүлэх прокурорын саналыг УИХ ажлын тав хоногт хэлэлцэх учиртай. Тиймдээ ч ээлжит бус чуулган зарлаж ч болзошгүй нөхцөл үүсээд байна.