“Их Бит” компанийн хувьцаа эзэмшигч О.Мөнхжин: “Сайн байцгаана уу. Бидэнд санаа тавьж, сэтгэлийн дэм өгч байсан та бүхэндээ маш их баярлалаа. 
Хууль хяналтын байгууллагаас бүрэн эрхийнхээ хүрээнд биднийг тодорхой асуудлаар шалгаж байгаа нь үнэн. Үүсээд байгаа асуудал ном журам, хууль дүрмийнхээ дагуу шалгагдаж үнэн зөв нь тогтоогдох байх гэдэгт итгэж байна. 
Үүссэн асуудлаас үл хамааран ИХБИТ компани, IHC токен, X-Meta бирж болон бусад компаниудын үйл ажиллагаа хэвийн явагдаж байгааг дуулгахад таатай байна.
Шалгагдаж байгаа асуудалтай холбоотой аливаа мэдээллийг задруулахгүй байх үүрэг хүлээсэн тул та бүхнээс ирэх асуулт, комментуудад хариулт өгч чадахгүйг ойлгоорой. 
IHC коммунититэйгээ үргэлж хамт шүү” гэв.