Өмнөд Солонгосын хамгийн алдартай охидын хамтлаг “Blackpink”-ийн гол нүүр царай гэгддэг Жисүгийн соло уран бүтээл нь гуравдугаар сарын 31-нд цацагдахаар болжээ. Хамтлагийн бусад гишүүдийн соло уран бүтээл нь олон, олон рекордыг эвдэж, дэлхий дахиныг байлдан дагуулсан билээ. Тиймээс ч Жисүгийн солон уран бүтээл нэлээн хүлээлт үүсгээд байсан бөгөөд соло дууны постер цацагдсан даруйдаа Twitter дээр дэлхий даяар #1 тренд болсон.  Мөн түүний соло цомгийн урьдчилсан захиалга ердөө 8 цагийн дотор “Ktown4U” дээр 150 мянгаас дээш захиалга авсан анхны цомог болж, к-поп амжилтыг эвдсэн юм. Тэрбээр, соло уран бүтээлийнхээ үгийг бичихэд оролцсон бөгөөд реп хэсэгтэй байж магадгүй гэсэн таамаглал бий. Түүний солон уран бүтээл нь “YG Entertainment”-ын хамгийн өндөр төсвөөр бүтэж буй уран бүтээлүүдийн нэг.