Монголын балетын урлагийн хөгжил, шинэ өнгө төрхийг илэрхийлсэн “Energy” контемпорари бүжгэн жүжгийг үзэгчдэд хүргэхээр болжээ. Хүн байгалийн хүйн холбоо, байгалийн үнэ цэнэ, түүнээс авах энерги, хайр энэрлийг балетын уран тансаг гоо үзэмж, орчин цагийн бүжгийн урлагаар хослуулан толилуулах юм.

Тус уран бүтээл таван бүжиг дэглээч Монголд анх удаа дэлхийн суут хөгжмийн зохиолч Антионо Вивалдигийн “Дөрвөн улирал” зохиол дээр орчин цагийн контемпорари урсгалаар дэглэн найруулснаараа онцлог юм. Уг бүжгэн жүжгийг энэ сарын 27-нд “Корпорэйт” зочид буудалд ганцхан удаа тоглоно.