Жүжигчин О.Дөлгөөн АНУ, Англи, Казакстан, Узбекистан, Австрали зэрэг орнуудын хамтран бүтээж буй "Доголон төмөр хаан" буюу "Tamerlane" кинонд монгол гүнжийн дүр бүтээхээр болжээ.

Киноны зураг авалт хэдийнэ эхэлсэн бөгөөд олон улсын хамтарсан баг энэхүү кино төсөлд ажиллаж байгаа аж.

О.Дөлгөөний хувьд өнгөрсөн жил "Тамгагүй төр" жүжигт Гүргэл хатны дүрийг бүтээсэн бөгөөд тус жүжиг Английн нийслэл Лондон хотноо "The Mongol Khan" нэртэйгээр шинэчилэгдэн тоглогдох гэж буй. Жүжгийн бэлтгэл ажил ч мөн хэдийнэ эхэлжээ. 

 АНУ-д мэргэжил дээшлүүлээд ирсэн О.Дөлгөөн гүнжийн дүр бүтээж буй "Tamerlane буюу биднийхээр “Доголон төмөр хаан”-ы тухай өгүүлэх киноныхоо талаар өөрийн цахим хуудсааар дамжуулан мэдээлсэн юм. Тэрбээр,  "кино баг маань Америкаас, жүжигчид маань Англиас , Казакстанаас, Узбекистанаас, Австралиас гээд олон орны уран бүтээлчдийг хамарсан олон улсын төсөлд Дөлгөөнөө нь монгол гүнжийн дүрд тоглож байна. Гайхалтай хамт олонтой ажиллан, олон зүйлийг шинээр сурч мэдээд завгүй өдрүүд үргэлжилсээр…" гэжээ.