“АВАРГА ТОМ ОРТОЙ- ҮЛГЭРИЙН ЦАГ” аян маань 5-р сарын 5,6,7-нд Шангри-ла моллын 1 давхрын дотор талбайд нийт 100 гаруй үлгэр, хүүхдийн зохиолын уншлага түүнчлэн илбэ, хүүхдийн оролцоот жүжиг зэрэг үзүүлбэрүүд орсон арга хэмжээ болно.

Лоринет сангийн санхүүжилттэйгээр Азийн сангаас хэрэгжүүлж буй “Үлгэрийн цаг” олон нийтийн нөлөөллийн аяны коммуникаци, идэвхжүүлэлт дээр “Whyze” агентлаг хамтран ажиллаж буй бөгөөд энэ удаа гурван өдрийн туршид адал явдлаар дүүрэн ертөнцөөр өөр өөр баатруудтай уулзах үлгэрийн орны аялалд урьж байна.

"Ирээдүйнх нь төлөө 15 минут" уриан дор хэрэгжиж буй төсөл маань 0-5 насны хүүхдүүдийн эцэг, эх, асран хамгаалагчдад хүүхэдтэйгээ төрсөн цагаас нь хамт ном унших ач холбогдлыг таниулах зорилготой олон нийтийн нөлөөллийн аян билээ. 

Энэхүү арга хэмжээнд "Let's read” цахим номын санд байрлаж буй үнэ төлбөргүй номуудыг Баасан гарагаас Ням гараг хүртэл өглөө 11 цагаас оройн 8 цаг хүртэл мэргэжлийн үлгэрч нар уншиж өгөх бөгөөд түүнээс гадна хүүхдүүдэд зориулсан “Creative Bamboo Studio”-н хүүхдийн зохиомжит жүжиг ба Илбэчиний үзүүлбэрүүд тавигдах болно.

Түүнчлэн Geren, Alphabook зэрэг хэвлэлийн газруудын хүүхдэд зориулсан бүтээлүүдтэй танилцаж болно.