Наадам ойртох бүр бүх Монголчууд тухай бүрдээ анализ хийж, улсын наадмын торгон дэвжээг хотолзуулан, хүн зоныг өндөлзүүлэх шилдэг хүчтэнүүдийн эрэлд гардаг. Энэ л зарчмаар наадам ойртох бүр сэтгэл нь сэрвэлзэж, итгэл дэвсэн олон хүчтэнийг дотроо битүүхэн дэмжиж суугаа. Энэ жилийн наадамд аль нутгийн хүү, нутгаа аавтайгаа алдаршуулж, төрийн есөн хөлт цагаан тугаа есөнтөө тойрох вэ?
Ингээд 2023 оны заалны томоохон барилдаануудад аль аймгийн бөхчүүд олон түрүүлж, шөвгөрснийг нэгтгэн хүргэж байна. Тодруулбал, дараах есөн барилдаанд үзүүр, түрүү, шөвгийн үзүүлэлтээр Ховд /8/ тэргүүлж, Архангай /7/ удаалж байгаа бол түүний ард Увс /3/, Баянхонгор /3/ аймгууд тус тус бичигдэж байна. 
  "Оюут" группийн 15 жилийн ойн барилдаан   
Түрүү: Н.Золбоо, Баянхонгор
Үзүүр: Э.Даш, Дундговь
Шөвөг: Р.Пүрэвдагва Архангай, Б.Пүрэвсайхан Ховд
 Эрчим хүчний салбар үүсэж хөгжсөний 100, 101 жилийн ой  
Түрүү: Р.Пүрэвдагва Архангай
Үзүүр: Э.Мөнхжаргал Архангай
Шөвөг: М.Бадарч Архангай, Д.Цэрэнтогтох Бянхонгор
   "Арвайн үндэс" компанийн нэрэмжит барилдаан   
Түрүү: Д.Цэрэнтогтох, Баянхонгор
Үзүүр: Э.Даш, Дундговь
Шөвөг: Р.Пүрэвдагва Архангай, Б.Бат-Өлзий Ховд
  Ардчилсан намын 33 жилийн ойд зориулсан барилдаан   
Түрүү: Б.Пүрэвсайхан Ховд
Үзүүр: Н.Батсуурь Увс
Шөвөг: Н.Бүрэнтөгс Увс, Д.Хүдэрбулга Төв
  Монгол цэргийн өдөрт зориулсан барилдаан   
Үзүүр: О.Хангай Ховд
Түрүү: Б.Бат-Өлзий Ховд
Шөвөг: Б.Орхонбаяр Сэлэнгэ, Ч.Батчулуун Хөвсгөл
  Сар шинийн барилдаан   
Түрүү: Б.Бат-Өлзий Ховд
Үзүүр: Н.Батсуурь Увс
Шөвөг: О.Хангай Ховд, М.Лхагвагэрэл Завхан
  "Жем интернэшнл"-н барилдаан  
Түрүү: Б.Бат-Өлзий Ховд
Үзүүр: Р.Пүрэвдагва Архангай
Шөвөг: М.Лхагвагэрэл Завхан, Ө.Даваабаатар Төв
  Шинэ үндсэн хууль батлагдсаны 31 жилийн ойд зориулсан барилдаан   
Түрүү: Э.Оюунболд Хэнтий
Үзүүр: М.Лхагвагэрэл Завхан
Шөвөг: Р.Пүрэвдагва Архангай, Н.Баярбаатар Сэлэнгэ

 Наадмын таавруудаас түгээмэл сонсогдож буй нь :    

1. Энэ жилийн баяр наадмаар Архангай эсвэл Завхан аймгаас түрүү үзүүр тодорч, Увс,Ховд,Өвөрхангай,Баянхонгор аймгуудаас шөвгөрөх магадлал өндөр байна. Тодруулбал Завхан аймгаас улсын заан М.Лхагвагэрэл, Архангай аймгаас улсын харцага О.Мөнх-Эрдэнэ нарын хэн давсан нь арслан болж баясгана хэмээн бөхийн хорхойтнууд дэвшүүлж байгаа бол даян аварга Н.Батсуурь, улсын заан Бат-Өлзий, улсын харцага Н.Золбоо, улсын харцага Бямба-Отгон нараас их шөвөг тодорно.

2. Энэ жилийн баяр наадмаар Ховд аймгаас улсын заан Б.Бат-Өлзий, Архангай аймгаас О.Мөнх-Эрдэнэ нараас наадмын түрүү тодорно. Улсын даян аварга Н.Батсуурь, улсын заан М.Лхагвагэрэл, улсын харцага Н.Золбоо, улсын харцага Ц.Бямба-Отгон нараас их шөвөг шалгарна.

3. Энэ жилийн баяр наадмаар Ховд аймгаас улсын заан Б.Бат-Өлзий, Завхан аймгаас улсын заан М.Лхагвагэрэл нар түрүү үзүүр булаалдана. Улсын аварга П.Бүрэнтөгс, улсын арслан Б.Орхонбаяр, улсын харцага О.Мөнх-Эрдэнэ, улсын харцага Ц.Бямба-Отгон нараас их шөвөг тодорно.

4. Энэ жилийн баяр наадмаар Сэлэнгэ аймгаас улсын арслан Б.Орхонбаяр, Ховд аймгаас Б.Бат-Өлзий нар түрүү булаалдах магадлал байна. Улсын аварга П.Бүрэнтөгс, улсын аварга О.Хангай, улсын заан М.Лхагвагэрэл, улсын харцага О.Мөнх-Эрдэнэ нараас их шөвөг тодорно. 

Дээрх дөрвөн таамаглалаас харахад олны хэл ам холуур байж, аз од нь гүйвээс улсын заан Б.Бат-Өлзий, улсын заан М.Лхагвагэрэл,улсын харцага О.Мөнх-Эрдэнэ, улсын харцага Ц.Бямба-Отгон нар их шөвөгт тодрон барилдах магадлал өндөр байна. Гэвч таавар эвдэж, дээгүүр барилдах бөхчүүд олон бий. Тухайлбал Булган аймгаас улсын начин Д.Амаржаргал, Д.Амарсайхан, Төв аймгаас Д.Хүдэрбулга, Архангай аймгаас аймгийн арслан Э.Мөнхжаргал нарыг онцолж байна.