Ажлын байр шинээр бий болгох, хадгалах, өргөтгөх зорилгоор хувиараа хөдөлмөр эрхлэгч, малчин, нөхөрлөл, хоршоо байгуулах иргэн, бичил үйлдвэрлэл, үйлчилгээ эрхлэгч болон гадаад улсаас эх орондоо ажиллаж амьдрахаар ирсэн иргэдийн хөдөлмөр эрхлэлтийг дэмжих  жижиг зээл олгогдож эхэллээ. Зээлийн хугацаа 36 сар хүртэл байгаа бол, зээлийн хэмжээний хувьд хувиараа хөдөлмөр эрхлэгч болон малчдад 10 сая төгрөг, нөхөрлөл хоршоо байгуулах иргэн болон гадаад улсад хөдөлмөр эрхэлж байгаа ирсэн иргэнд 25,0 сая төгрөг хүртэл харин бичил үйлдвэрлэл, үйлчилгээ эрхлэгчдэд 50,0 сая хүртэл төгрөгийн зээл гаргах юм байна. Жижиг зээлийг дамжуулан олгох сонгон шалгаруулалтын үр дүнд Улаанбаатар хотод, Төрийн банк жилийн 8,8 хувь, Хаан банк жилийн 8,8 хувь, Худалдаа хөгжлийн банк жилийн 8,5 хувийн хүүтэйгээр олгох юм байна. Орон нутагт Төрийн банк 4,4 хүүтэй жижиг зээлийг олгож эхэлжээ. Энэ зээлд хамрагдахыг хүсвэл харьяа аймаг, дүүргийн хөдөлмөр халамжийн үйлчилгээний газар, хэлтэст хандахыг Хөдөлмөр халамж үйлчилгээний ерөнхий газраас мэдэгдэж байна.