Сэтгэл санаа тогтохгүй, хувьсамтгай өдрүүдэд бид бурууг улирал руу “чихчихдэг”. Үүнийг намрын синдром гэж ярих нь ч бий. Уран зөгнөлт кино үзмээр ч юм шиг, тулаантай кино үзмээр ч юм шиг, эсвэл бүр бага насны дурсамжаа сэргээсэн хүүхэлдэйн кино үзмээр ч юм шиг ийм өдрүүдэд та шийд гаргаж чадахгүй байвал анхаарлаа нааш хандуулаарай.

  1. WATCHMEN    

Үнэлгээ: IMDb 8.2/10,
Төрөл: Тулаант, драм, нууцлаг
“Lost” (2004-2010), “Left Behind” (2014-2017) зэрэг алдарт цувралуудыг бүтээж байсан Дэймон Линделофын зохиолоор бүтсэн “Watchmen” DC баатруудын тухай цуврал кино нь “Rotten Tomatoes” кино шүүмжлэгчдийн сайтаас 95 хувийн үнэлгээ авчээ. Уг зохиолын үйл явдал нь компьютер, гар утас, интернэтгүй, зэргэлдээх ертөнц дэх 2019 онд өрнөх бөгөөд олон жил дарангуйлсан төр засгийнхаа эсрэг ард түмэн босож, мөргөлдөөн үүсэж буйг харуулна. Харин уг эмх замбараагүй байдлыг зогсоох эцсийн найдвар нь watchmen буюу харуулууд. Тэд чадах болов уу?

   2. 101 DALMATIANS   

Үнэлгээ: IMDb 7.3/10
Төрөл: Адал явдалт, инээдмийн
"101 гөлөг" нь Диснейн студийг аварсан бүтээл билээ. Учир нь,“Нойрсож буй гүнж” хүүхэлдэйн киног хийснийхээ дараагаар маш их өрөнд орж, хаалгаа барихад хүрээд байсан Диснейн студи энэ киноны ачаар өндийн боссон гэх цуу яриа бий. Тус хүүхэлдэйн кино анх гарахдаа АНУ-д 14 сая доллар, дэлхий даяар 80 сая гаруй долларын ашиг олсон түүхтэй. Далматин гөлөгнүүдийнхээ эрэлд гарах хос хоёрын адал явдлыг “Look TV”-ийн “Premium багц”-аас өндөр чанартайгаар үзэн дурсамжаа сэргээгээрэй.

  3. ANNA KARENINA   

Үнэлгээ: IMDb 6.6/10
Төрөл: Драм
2020 онд Улсын Драмын Эрдмийн Театрын уран бүтээлчид Оросын нэрт зохиолч Лев Толстойн “Анна Каренина” романаас сэдэвлэсэн жүжгийг Монголд анх удаа тайзны бүтээл болгосон нь олны анхаарлыг ихээхэн татсан билээ. Үзэж амжаагүй, үзэх юм сан гэж та бодож яваа бол дэлгэцийн бүтээлийг нь үзэхийг зөвлөх байна. Зэрэг зиндаа үл хамааран хайрлаж дурлалцаж болдоггүй байсан 1900-аад онд Вронский хэмээх гал цогтой офицер эр Петербургийн нөлөө бүхий түшмэлийн эхнэр Анна Каренинатай танилцсанаар цуут хайрын түүх эхэлнэ. Тэр гэр бүлээ сонгох болов уу, хайр дурлалаа юу?

   4. RANGO    

Үнэлгээ: IMDb 7.2/10

Төрөл: Инээдмийн, гэр бүлийн

“Карибын тэнгисийн дээрэмчид” киноны зохиогч Гор Вербинскийн анхны анимэйшн кино болох “Ранго”-д кино од Жонни Дэпп дуу оруулсан. Энэ нь тэдний дөрөв дэх хамтрал болсон юм. 2010 онд Оскарын шагнал хүртсэн эл бүтээлийн дүрүүдийн хошин шогийн мэдрэмж, “A Fistful of Dollars”, “Star Wars”, “Chinatown”, “The Good, the Bad and the Ugly” гэх мэт олон төрлийн кинонуудаас эшилсэн зэрэг нь ямар ч насны үзэгчдийн анхаарлыг татаж чадсан.

  5. SENYAFEDYA   

Үнэлгээ: IMDb 5.4/10
Төрөл: Инээдмийн
Сеня, Федя гэхээр нэг л дотно сонсогдож байвал та “Гал Тогоо” цувралыг хэдийн үзжээ. Тэд өөрсдийн бизнесээ нээхээр шийдсэнээр кино эхэлнэ. Хэдийгээр тэдний хамтын ажиллагаа тийм сайн байгаагүй ч явуулын цайны газар нээхийн тулд хамтарсан зээл авсан нь тэднийг салж чадахгүйд хүргэнэ. Ийнхүү тэд амьдралын эрхээр өөрчлөгдөн, олон олон адал явдалтай учрах болно.