Хүүхдийн мөнгийг үргэлжлүүлэн авах айл, өрхийн гишүүнд мессеж илгээн баталгаажуулж байгаа. Энэхүү мессеж очсон айлын хүүхэд Хүүхдийн 100 мянган төгрөгөө үргэлжлүүлэн хэвийн аваад явна гэсэн үг. 
Харин баян чинээлэгт тооцогддог, өрхийн орлого өндөр 1300 өрхийн хүүхдэд л энэ мөнгийг олгохгүй.  Ерөнхийдөө нийт хүүхдийн 99,8 хувь нь үргэлжлүүлэн авна. Санаа зоволтгүй хэмээн холбогдох албан тушаалтнууд хэлж байв. 
Гэтэл өнөөдөр байдал эсрэгээрээ. Өмнө нь хүүхдийн мөнгөө хэвийн авч байсан хүүхдийн эцэг, эхэд мессеж ирэхгүй болохоор нь  шүүж үзтэл дөрвөн ач, зээг нь хасчихсан байх жишээтэй. Тодруулбал, гурван үл хөдлөх хөрөнгө, дөрвөн автомашинтай, жилийн орлого жилийн 50 сая төгрөгөөс дээш гэх үндэслэлээр бага насны дөрвөн хүүхдийг хасчихжээ. Энэ нь мэдээж баталгаагүй мэдээлэл учраас хүүхдүүдийн эцэг, эх “Энэ олон үл хөдлөх хөрөнгө, автомашинуудаа хаанаас олж авах вэ” хэмээн Хөдөлмөр, нийгмийн хамгааллын сайд Т.Аюурсайханаас асууж, бас нэхэж байна.