"Netflix"-ийн уран бүтээл "Squid Game" киноноос сэдэвлэсэн "Squid Game: The Challenge" шоуны оролцогчид зураг авалтын үеэр гэмтэл авсан учир гомдол гаргана гэжээ. Их Британийн "Express Solicitors" фирм төлбөр авахыг хүссэн оролцогчдыг төлөөлж буйгаа зарлав. "Бид энэ шоуны үеэр бэртсэн оролцогчдын өмнөөс нэхэмжлэлийн захидал илгээсэн. Бидэнд хэлсэнчлэн тэд зугаацах нэрийдлээр аюулгүй байдлын хил хязгаарыг хэтрүүлсэн. Шоундаа эрүүл мэнд, аюулгүй байдлын стандартыг дагаж мөрдөж, хүмүүст хор хөнөөл учруулахуйц эрсдэл үүсгэхгүй байх ёстой" гэж "Express Solicitors"-ын гүйцэтгэх захирал Даниел Слэйд мэдэгдлээ. Шоуны продакшн болох "Studio Lambert" компанид илгээсэн нэхэмжлэлийн захидал нь эхний алхам аж. Тус фирм өдгөө нэмэлт нотлох баримт цуглуулж байгаа бөгөөд шаардлагатай бол шүүхэд хандана гэв. Гэхдээ одоогоор компани хоёр л оролцогчийг төлөөлж байна. Хоёр оролцогч гипотерми болон мэдрэлийн зэрэг гэмтэл авсан гэжээ.
"Squid Game: The Challenge" шоуны өөр нэг оролцогч өмнө нь хэвлэлээр зураг авалтын талаар ярьж байсан. Эхний ангийн "Улаан гэрэл, ногоон гэрэл" зураг авалт дэлгэцээр тавхан минут гардаг ч бодит байдал дээр өвлийн хүйтэнд хэдэн цагийн турш зураг авалтыг нь хийсэн гэжээ. "Яг дайны бүс шиг байсан. Хүмүүсийг эмч нар авч явсан ч бид юм хэлж чадаагүй. Хэрвээ ярих юм бол тэмцээнээс хасагдана" гэж тус оролцогч ярьсан байна.
Мөн "Уралдаанд оролцогчид өөрсдийгөө ямар нэг хөгжилтэй юманд оролцож байна гэж бодсон. Бэртсэн хүмүүс өөрсдийгөө тэгнэ чинээ санаагүй. Хүйтэн цаг агаарт хүнд дарамттай зураг авалтад орсны эцэст тэд бэртэл гэмтэлтэй л үлджээ. Нэг хүний гар хүйтнээс болж нил ягаан болсон байсан. Ийм гэмтэл эрүүл мэндэд маш ноцтой үр дагавар учруулж болзошгүй. Хүйтэн байсан ч олигтой хувцас өгөөгүй" гэж "Express Solicitors"-ын гүйцэтгэх захирал Даниел Слэйд хэллээ.
Харин шоуны гүйцэтгэх продюсер Стивен Ламберт ялгаатай байр суурийг илэрхийлж байна. "Бид телевизийн тэмцээний түүхэн дэх хамгийн том шагналыг өгч байна. 4.56 сая ам.доллар хожихын тулд цэцэрлэгт хүрээлэнгээр зугаалахгүй шүү дээ. Хүнд хэцүү үе байсан. Амьдралынхаа туршид орой бүр тэр дотуур байранд хоол идэхийг хүсэхгүй ч нэвтрүүлэгт оролцох нь илүү сайхан" гэж тэр хэлжээ.
Эх сурвалж: THE HOLLYWOOD REPORTER
Алдарт дуучин Шнейд Коннорын үхлийн шалтгаан тодорхой болжээ
2024.02.29 12:10
Түүх соёлын үл хөдлөх 12 дурсгал зэрэглэл ахилаа
2024.02.29 11:04
Анхаар! Та сэтгэгдэл бичихдээ хууль зүйн болон ёс суртахууныг баримтална уу.
Одоогоор сэтгэгдэл бүртгэгдээгүй байна.
МУБИС-ийн нийт оюутнуудын 50 хувь нь 9.4 тэрбум төгрөгийн тэтгэлэгт хамрагджээ
Трамп: Хууль бус цагаачдыг гаргахын тулд зэвсэгт хүчин ашиглахад бэлэн
Манай улсын зээлжих зэрэглэл B2 болж ахисан ч "Тогтвортой" ангиллаас дээшлээгүй
Сэрэмжлүүлэг : Боомын хүний өвчлөл бүртгэгдсэн энэ үед "МАХ" авахдаа юуг анхаарах вэ
“Гоёл Кашмер”-ийн шинэ салбарын нээлтийн үеэр бүх ноолууран бүтээгдэхүүн 20 хувь хямдарна
Италийн Ерөнхийлөгч улс төрийнх нь асуудалд оролцохгүй байхыг Илон Маскт анхааруулав
ЧУУЛГАН : Цөмийн энергийн хуульд нэмэлт өөрчлөлт оруулах тухай хуулийн төслийг хэлэлцэж байна.
Дүнжингаравын уулзварт гарсан ослоос учирсан нийт хохирлыг 5.4 тэрбум гэж тогтоожээ
Тамхины хяналтын тогтолцоог сайжруулахад Австрали улстай хамтрахаар санал солилцлоо
Хятадад цэнгэлдэх хүрээлэн рүү машинтай этгээд дайрч орсны улмаас 35 хүн амиа алджээ