Нүүрсчин гишүүнээр жил гаруй нэрлэгдэж буй А.Адъяасүрэн сонсголд хүртэл оролцсон. Тэгвэл сонсголоор хамгийн ихээр анхаарал татсан Цагаан хадны нууц эзэн А.Адъяасүрэн байж болзошгүй зураглалыг танилцуулж байна. 

УИХ-ын гишүүн А.Адъяасүрэн “Шилмэл газар” гэх ХХК-тай. Тэгвэл тус компани Цагаан хаданд нийт 84.1 га газрыг гурван компаниар эзэмшдэг ажээ. Тодруулбал

• “Соронзон говь” ХХК 200,000м2 буюу 20 га Гаалий хяналтын талбайтай. “Соронзон говь” ХХК-ийг УИХ-ын гишүүн А.Адъяасүрэнгийн “Шилмэл газар” ХХК эзэмшдэг. Уг компаний эцсийн өмчлөгчөөр Темел Мансур бүртгэлтэй байдаг бол гүйцэтгэх захирлаар АлатэнБаганэ гэх Хятад иргэн бүртгэлтэй байна

• “Цагааналт эх жин” ХХК 91,000м2 буюу 9.1 га Гаалийн хяналтын талбайтай. “Цагааналт эх жин” ХХК-ийг УИХ-ын гишүүн А.Адъяасүрэнгийн “Шилмэл газар” ХХК эзэмшдэг. 

• “Пүшинмон” ХХК 400,000м2 буюу 40 га Гаалийн хяналтын талбайтай. “Пүшинмон” ХХК-ийг УИХ-ын гишүүн А.Адъяасүрэнгийн “Шилмэл газар” ХХК эзэмшдэг.

• “Премиум кастомс” ХХК 150,000м2 буюу 15 га талбайтай. “Премум кастомс” ХХК-ийг УИХ-ын гишүүн А.Адъяасүрэн 2018 онд үүсгэн байгуулж, гүйцэтгэх захирлаар нь ажиллаж байсан. Улмаар 2020 онд УИХ-ын гишүүн болохдоо Турк улсын иргэн Temel Mansur гэгчийн “Шилмэл газар” ХХК-ийн нэр дээр шилжүүлсэн.

Хамгийн ноцтой нь Өмнөговь аймгийн Ханбогд сумын I, V багын нутаг буюу “Цагаан хад”-нд 84.1 га газар авч, тэр газраа хашаалаад Гаалийн хяналтын талбай болгон “Эрдэнэс тавантолгой” ХК, “Тавантолгой” ХК-ийн нүүрс тээврийн компаниудад гэрээгээр ашиглуулж, сул ашиг хүртэж сууна.  УИХ-ын гишүүн А.Адъяасүрэн Темел Мансур гэх иргэнтэй хамтран хэд хэдэн компани байгуулж нүүрсний нэгэн том тоглогч болжээ. Тэр ганц тээвэр хийгээгүй ажээ. 

Сонирхуулахад А.Адъяасүрэнгээс гадна Ш.Адьшаа, Винтрак ХХК-ий Ц.Амгалан, Үндэсний аудитийн газрын дарга Д.Занданбат зэрэг 12 хүн Цагаан хаднаас ихээхэн ашиг хүртдэг талаарх ноцтой баримтыг Давстай чихэр буландаа онцлох болно.