Сонгууль хаяанд ирж, Ардчилсан нам дотроосоо өтөж эхэллээ. Хамгийн том сөрөг хүчин гэж харагдаж буй гуч гаруй жилийн түүхтэй намын гишүүд дотроо хагаралдаж байна. Тодруулбал Ардчилсан намдаа эргэн ирсэн Ж.Батзандан сүүлийн үед үнэл худал нь үл мэдэгдэх олон арван дуулианы бай болоод буй Б.Хурц, Ц.Элбэгдорж нарын эсрэг байр сууриа илэрхийлж, өөрийн платформдоо нийтэлжээ. Тэрбээр “ Хурц хаана нэр дэвшинэ. Би тэнд нэр дэвшинэ. Эрүү шүүлт үү? Эрх чөлөө юу? гэдгийг сонгох цаг болсон” гэв.

Б.Хурцын хувьд ирэх сонгуульд И.Мөнхжаргал, Г.Баярсайхан, Ч.Өнөрбаяр, Ц.Баатархүү,Х.Болормаа нарын хамт Ардчилсан намаа төлөөлөн Чингэлтэй, Сүхбаатар дүүргийн тойрогт нэр дэвшинэ. Өөрөөр хэлбэл Ж.Батзандан ардчилсан намдаа эргэн очсон ч дэвших тойрог, дэслэх жагсаалтгүй болсон тул хамгийн сул гэж харагдаж буй Б.Хурцыг овоо хараандаа авсан байж болзошгүй гэсэн үг.