Ардчилсан намын “ҮНДЭСНИЙ ЖИГҮҮР” фракц Лу.Гантөмөрийг халах талаар мэдээлэл хийлээ. Эмтэрч, хагарч гүйцдэггүй тогоо шиг Ардчилсан намын халуун тогооноос хальж жийгдсэн “Үндэсний жигүүр” фракцынхан луухгаруудтай зодолдоход ч бэлэн байгаагаа зарлаад авав. Үндэсний жигүүр нь АН-ын отгон фракц бөгөөд олон арван залуусаар хүрээгээ тэлээд буй. Гэтэл Z үеийнхнийг улс төрд дэвшүүлнэ гэж ярьж яваа намын даргаа яагаад сонгууль дөхсөн өдрүүдэд халж, шинэ тогтолцоо хүсэх болов.  Нам дотроо квотын зодоонтой байгаа энэ үед тус фракцаас ганц хүн багтаагүйд багтарч яваа бололтой. Тэгэх нь ч мэдээж. Ардчилсан намын сонгуулийн 40 хувийг Х.Баттулга, Ц.Элбэгдорж,С.Баярцогт нар  мөн 40 хувийг, Х.Тэмүүжин,Лу.Гантөмөр нар үлдсэн 20 хувийг нь дэсэлсэн гэхээр тус фракцын ганц хүн шингэх боломжгүй дүр зураг харагдаж байгаа юм. Түүнчлэн Лу.Гантөмөрийн дэсэлсэн 20 хувьд ч Ц.Элбэгдоржийн нөлөө орсон.  Иймээс л Үндэсний жигүүр фракцын залуус намынхаа зарим ах нарын хүслийг биелүүлж, Лу.Гантөмөрийг халах давалгааг өрнүүлж байгаа юм. Тэд квот хүсч байна.