Өнгөрөгч 2023 оны өвлөөс эхлэн барцадтай байгаа сэтгүүлч Н.Өнөрцэцэг 2024 оны сонгуульд өрсөлдөхөө мэдэгдээд байгаа. Түүнийг ямар намаас нэр дэвших вэ гэсэн хүлээлт их буй. Тэгвэл баттай эх сурвалжийн мэдээлж буйгаар тэрбээр Баянзүрх дүүрэгт АН-аас нэр дэвшиж болзошгүй байна.  Сэтгүүлч Н.Өнөрцэцэгийн хувьд өнгөрөгч оны сүүлээс өнөөдрийг хүртэл МАН-ын хорхойтой араанд зуулттай буй олон нийтийн хайртай дүр юм. Түүнчлэн Хууль зүйн сайд Б.Энхбаяртай нэгийгээ үзэж, нэхий дээлээ уралцахаар савангийн дуурь цаашаа улс төржиж буй. Боловсролын зээлийн сангаас зээл авч, авлига албан тушаалтай этгээдүүдийн арыг баттай хамгаалж буй гэх Б.Энхбаяр сайдтай шууд дамжуулалтын үеэр муудалцаж, төдөлгүй хоригдож, хэсэгтээ дуулиан таслаагүй Н.Өнөрцэцэг Баянзүрх дүүрэгт нэр дэвшвэл Ардчилсан намаас өөр нам байсан ч гарах магадлал тун өндөр юм.

Мэдээж Б.Энхбаярын өө сэв, сул тал их байгаа шиг Н.Өнөрцэцэг ч хэд хэдэн хэрэгт нэр холбогдон шалгагдаж байгаа. Үүнээс онцолбол тэрбээр ЗГХЭГ-ын дарга Д.Амарбаясгалантай нүүрс тээврийн компаниар холбогдож буй нэгэн юм. Ташрамд дурдахад гэрээний дагуу нүүрс тээвэрлэх нь хууль бус үйлдэл биш. Хууль зөрчиж, гаалийнхантай хуудуу татсан жинхэнэ нүүрсчдээс нүүрс тээврийнхнийг ялгаж ойлгох чухал нь буй за.