МУСТА Э.Чулуунчимэг Алдарт "арвагар хээр" моринд зориулан дуун суварга босгожээ. Тус дууны үгийг Ч.Чагнаадорж, аяыг МУГЗ Д.Цэвээнравдан бичиж "Хишиг" продакшн дүрсжүүлжээ. 

Монгол даяар нэрээ дуурсгасан "Арвагар хээр" морины түүхийг товчилбол : 

• 1709 онд Ламын гэгээний 2-р дүрийг тодруулахтай давхцан Агь Үйзэн гүний хошууг байгуулсан давхар баяр цэнгэл Их Даншиг наадамд 1000 гаруй хурдан хүлэг уралдсанаас цуутай хурдан "Арвагар хээр" морь түрүүлэн Монгол даяар нэрээ дуурсгажээ.
•  "АРВАГАР ХЭЭР" морь нь аймаг хошууны болон даншигийн их бага 20 гаруй наадамд түрүүлсэн цуутай хурдан буян юм. Энэ цагаас хойш Агь Үйзэн вангийн хошууны нутаг Шар талыг "Арвайн тал" хэмээн нэрийджээ. /Одоогийн Өвөрхангай аймаг Тарагт сумын нутаг Арвайн тал/